DÍA DA POESÍA EN SEARA

 Entre todos os cursos escribimos unha poesía, clicade na foto para ir ao blog da biblioteca e ver o resultado.

SEMANA DA PRENSA

Con motivo da Semana da Prensa na Escola estivemos remexendo nos xornais para atopar novas relacionadas coa Axenda 2030 e o noso proxecto de centro: "Camiñando cara o 2030".

Neste mural tedes o resultado do noso traballo:

8 DE MARZO: AS MULLERES E O MAR

Merchi, a nai de Marcos Rúa, falounos dos traballos que tivo, primeiro foi mariñeira durante 15 anos, e desde hai uns 10 anos traballa de redeira. Explicounos en que consiste o seu traballo e por ela soubemos un montón de datos: como se organizan, canto tardan en facer un aparello, canto pode chegar a medir, a diferencia entre atar e armar... Incluso trouxo as agullas, a corda e un pequeno aparello para mostrarnos. Foi interesantísimo! Moitas grazas, Merchi!

Clicando na foto podedes ver a entrada e máis fotos da actividade no blog da Biblioteca.

TRABALLOS SOBRE O OBXECTIVO 15

Aquí podedes ver os traballos que o alumnado de 3º curso fixo sobre o Obxectivo 15 da Axenda 2030.

Por un lado averiguaron cales son as distintas formas de contaminación ás que se enfrontan os hábitats terrestres e os animais que habitan neles, e por outro lado investigaron cales son as posibles solucións que pode haber a estes problemas. 

ECO-RETO DO MES DE MARZO

 Este mes imos medir a cantidade de plástico e papel que consumimos en cada aula para procurar unha solución que nos permita reducir ambos.