Aquí podedes ver os traballos que o alumnado de 3º curso fixo sobre o Obxectivo 15 da Axenda 2030.
Por un lado averiguaron cales son as distintas formas de contaminación ás que se enfrontan os hábitats terrestres e os animais que habitan neles, e por outro lado investigaron cales son as posibles solucións que pode haber a estes problemas.
Unha pinga de xabón diluída en auga é suficiente para matar moitos tipos de bacterias e virus, incluído o novo coronavirus Covid-19. O segredo é a estrutura das moléculas que forman o xabón.
No experimento vemos como o xabón fai "desaparecer" o aceite e as especias que frotan sobre a auga (igual que fai desaparecer o virus). Os patógenos do coronavirus teñen membranas lípidas (como o aceite que usamos no experimento). Cando lavas as túas mans con auga e xabón rodeas calquera virus coas moléculas de xabón, que se introducen nas envolturas graxas dos virus e os matan.
Así que lavar as mans con auga e xabón é unha das prácticas máis importantes para cuidar a nosa saúde e pode frear a taxa de contaxio dunha pandemia. O xabón protéxenos a todos.
Esta semana tivemos unha nova charla de Revitaliza onde nos falaron do compost e dos bichiños que aí viven.
Recibimos a visita de Antón, do programa Revitaliza, que nos falou sobre como foi cambiando ao longo do tempo o que os seres humanos facemos co lixo, da importancia das tres R (Reducir, Reciclar, Reutilizar) e do compost.
Xa sabemos como funciona o barco de Sosuke, o que Ponyo fai xigante coa súa maxia. Trátase dun motor a vapor, chámanlle motor pop pop, inventado en 1891. O barco ten unha caldeira formada por uns tubos de cobre que hai que encher de auga, úsase unha vela para quentar esa auga, Os tubos sobresaen pola popa do barco, ó quentar a auga da caldeira esta móvese e sae polos tubos facendo navegar o barco.
Aquí tedes algúns vídeos sobre o tema que estamos vendo en Ciencias Sociais
